In casa
o ciammavan Maxin
a gente John
perchè o l'ëa staeto in mâ.
Oua
o l'arrecheugge pappê
e o l'é solo,
Zena
comme a fa a votte
con i sò figgi
a gh'aveiva gïòu e spalle
e lê
o n'aveiva ciû attrovòu
ûn lòu
doppo o sbarco.
Però
quande con 'n sacco in
spalla
o se sentiva ciammâ:
"A John"
pe 'n pittin
o se drissava comme 'na
statua
in regordo de quande o l'ëa
mainâ,
poi
o se cegava torna
comme 'na canna a-o vento,
ravattando
in ti bidoin de rûmenta.
Luigi Cornetto – Dialetto di
Genova
O JOHN
In casa
lo chiamavano Tommasino
la gente John
perché era stato in mare.
Adesso
raccoglie carta
ed è solo,
Genova
come fa a volte
con i suoi figli
gli aveva girato le spalle
e lui
non aveva più trovato
un lavoro
dopo lo sbarco.
Però
quando con un sacco in
spalla
si sentiva chiamare:
«A John»
per un pochino
si raddrizzava come una
statua
in ricordo di quando era
marinaio,
poi
si piegava di nuovo
come una canna al vento,
rovistando
nei bidoni di spazzatura.
Nessun commento:
Posta un commento