MARÒ di Fernando Bagnoli

Maire, caicün u l’ha lasciau a sò macchina

denai a-a porta de Marò,

candu a se n’acorse i saran lairi.

A elu u nu ghe diixe ren.

Da zuveni i l’han gardau inseme 

ina sciorta de crave

pöi u l’e partiu surdatu e u nu l’ha ciü vistu.

U n’è passau du tempu da alùra;

ma sinche o sei agni fa,

u s’è arecampau; u s’è pustegiau sempre lì;

e u l’ha fau catru pasci chi a u giru;

pöi u s’è assetau in ta macchina,

e dopu deixe minüti u l’e partiu.

Cuscì tüti i agni a sta parte

u vintisete de sügnu

E ela?

I diixe c’a staghe drita e sita

derè ae tendine du barcun

e che, noma cande u l’è partiu, a se ne leve.

Fernando Bagnoli – Dialetto di Sanremo

Poesia che partecipato a "U giacuré 2019"

MARÒ

Madre qualcuno ha lasciato la sua macchina

davanti alla porta di Marò,

quando se ne accorge saranno strepiti.

A lui non dice niente.

Da giovani, insieme, hanno guardato

un gregge di capre

poi lui è andato soldato e non l'ha più visto.

È passato tanto tempo da allora;

ma cinque o sei anni fa,

è tornato; si è posteggiato sempre lì

e ha fatto quattro passi qui intorno;

poi si è seduto nella macchina

e dopo dieci minuti è partito.

Così, da allora, tutti gli anni

il ventisette di giugno.

E lei?

Dicono che stia ritta e in silenzio

dietro le tendine della finestra

e che, solo quando è partito, si ritiri.