AMARESSA di Ovidio Bosio

Candu a vita a l’à infirau a carà ,

nu digu in folle ma in po' abrivà ,

dopu avè dau e sou brave legnae

suvente capita de mirà au passau

cun a testa ferma ai regordi ,

tantu i beli che brüti e balurdi ,

che messi inseme a vita i l’an fau

e ben o mà de segni i n’an lasciau.

Ve regurdè du 99 u 31 deixembre

candu sugnavimu in avegnì lüxente

cin de sperançe e de scangiamenti

bon a purtane noma beli mumenti?

Uramai l’amu darè ae spale

ma u mundu u l’è restau tale e cale.

Ançi, paresce che caicosa vaghe pezu

cume candu in sciu u gussu se leva u lezu

e tra e stamenaire munta l’aiga cianin

e a l’alaga fina u carabutin :

candu ti te ne acorzi che ne intra in rugliu

in catru e catrötu ti sei zà a buiu

Caicün in caiche modu u s’è adatau:

Nuvela 2000 au titulu u l’à azuntau

3000 cuscì, tranchili, pe ancù cent’ani

viremu esposti au sù, sença custümi,

e scciape de artiste e de balarine

slairae e brüxiatae cume bebine.

U mundu u l’è a persune inte mae

che u çervelu a IKEA i l’an catau

ma che au mumentu bon de duveralu

i nu sun staite bone a muntalu.

Ovidio Bosio - Dialetto di Ventimiglia

Poesia che ha partecipato a U Giacuré 2019

AMAREZZA

Quando la vita ha imboccato la discesa

non dico in folle ma un po' abbrivata,

dopo aver dato le sue buone bastonate

sovente capita di guardare il passato

con la testa colma di ricordi

tanto belli che brutti e balordi,

che messi insieme la vita han fatto

e bene o male i segni han lasciato.

Vi ricordate del 99 il 31 dicembre

quando sognavamo un avvenire lucente

pieno di speranze e di cambiamenti

buoni a portarci solo bei momenti ?

Ormai lo abbiamo dietro alle spalle

ma il mondo è rimasto tale e quale

anzi pare che qualcosa vada peggio

come quando sul gozzo si toglie lo zaffo

e tra le ordinate l’acqua piano

inonda sino al palchetto di prua:

quando te ne accorgi che ne entra un fiotto

in quattro e quattr’otto sei già a fondo.

Qualcuno i qualche modo si è adattato:

Novella 2000 al titolo ha aggiunto

3000 così tranquilli, per ancora 1000 anni

vedremo esposte al sole, senza costumi

le chiappe di artiste e ballerine

sdraiate e bruciacchiate come tacchine.

Il mondo è a persone nelle mani

che il cervello a IKEA hanno comprato

ma che al momento poi di adoperarlo

non sono state capaci a montarlo.