SANREMU DAU BARCUN di Dino Ardoino

Dau barcùn da me’ cà ch’a l’è pecina,

ma a l’ha ina grande vista in sce a Sità,

Sanremu a a végu tüta a prinsipià

dae càe du carté abrìgu da Marina

e prusseghèndu a posciu cun in’öjà

tucà Bignun. A géixa ciü veixina

a l’è San Scì e a vegu a punentina

lüüxe du sù carante invernixà

d’òuru e ciapéle verde che in sce a sima

du campanin i fan da cuvertüra.

Ma in àutu surve a costa u gh’è ascì a prima

géixa nostra, chela ch’a ne prucüra

e grassie da Madona e a gòude a stima

e a divussiun de gènte. A l’ho a ventüra,

gardèndu in sce a seirana dau barcun,

de avéra lì davanti inlüminà:

e a m’aresciòuru u cö cun sta vixun.

Dino Ardoino – Dialetto di Sanremo

SANREMO DALLA FINESTRA

Dalla finestra di casa mia che è piccola,

ma ha una grande vista sulla Città,

Sanremo la vedo tutta a cominciare

dalle case del quartiere soleggiato della Marina

e proseguendo posso con un’occhiata

toccare Bignone. La chiesa più vicina

è San Siro e vedo la ponentina

luce del sole calante verniciare

d’oro le mattonelle verdi che in cima

al campanile fanno da copertura.

Ma in alto sulla costa c’è anche la prima

chiesa nostra, quella che ci procura

le grazie della Madonna e gode la stima

e la devozione della gente. Ho l’opportunità

guardando verso sera dalla finestra,

di averla lì davanti illuminata:

e mi ristoro il cuore con questa visione.