INVERNO di Sandro Patrone

Co-a sciarpetta a tappâme naso e bocca

e e magninn-e in ti guanti fæti in casa,

sciortivo – ammaloccòu comme un fagotto –

pe andâ da-a nonna, in corso Andrea Poistæ.

O tranvai (“29”) o ne stracoava

quæxi davanti a-o pòrtego. E o l’ëa pin

de gente arresenïa

ch’a l’andava ciù in là, scinn’a-a Duchessa

a portâghe çetroìn e compagnia.

N’arviva a lalla. In sala ‘na braxëa

con poca sansa e çenìe; a rompî l’äia.

In cuxinn-a i fornelli: a mæ demöa

l’ëa vedde e zimme do carbon de legna

fùrgai solo pe mì.

- E de merenda, nonna, cöse gh’é? –

Ma zà o savéivo: pan e meje secche,

tante, ma tante, da levâme a coæ:

poi caffè e læte, a-o gusto de cicoria.

Sandro Patrone – Dialetto di Genova

INVERNO

Con la sciarpina a proteggermi naso e bocca

e le manine nei guanti fatti incasa,

uscivo – infagottato –

per andare dalla nonna, in corso Andrea Podestà.

Il tram (il “29”) ci scaricava

quasi davanti al portone. Ed era pieno

di gente rattrappita

che andava oltre, fino all’ospedale Duchessa di Galliera

a portarvi arance e un po’ di compagnia.

Ci apriva l’uscio la zia nell’ingresso un braciere

con poca sana e cenere per attenuare il freddo.

In cucina i fornelli: mio diletto

era vedere le faville del carbone di legna

fuochi artificiali solo per me.

- E per merenda cosa c’è? –

Ma già lo sapevo: pane e mele secche,

tante, ma tante, da togliermi la voglia:

poi caffellatte al gusto di cicoria.