DERÈ Á L' URIZUNTE di Antonello Rivano

Pegli - Genova

Deré à l’urizunte,

deré à stu mò

ciü in là de quéllu che véddu

gh’è a tera di mé antenoti.

U mò u l’è grande

e poi ancun tera

e otru mò.

Gh’è séculi de stória e de patimenti,

gh’è aventüe e sventüe.

Gh’è vitte tütte visciüe

e otre tróppu préstu stuchè

da ‘na man catìa o dau mò impetusu.

Memóie pe tantu tempu alüghè

A lèngua custudìa cun amù.

Ciü in là du mò,

deré à l’urizunte

Pégi a l’aspéte.

Gh’è tantu mò

e a tera a l’è luntan,

ma amìu i tó öggi

e lì ghe l’atrövu.

Dedicò a me mugè... che a l'è de Pégi.

Antonello Rivano – Dialetto genovese tabarchino

DIETRO ALL’ORIZZONTE

Dietro l’orizzonte

dietro a questo mare,

più in là di quello che vedo,

c’è la terra dei miei antenati.

Il mare è grande,

e poi ancora terra

e altro mare.

Ci sono secoli di storia e di patimenti,

ci sono avventure e sventure.

Ci sono vite tutte vissute,

altre troppo presto spezzate

da una mano cattiva o dal mare impetuoso.

Memorie per tanto tempo conservate,

la lingua custodita con amore.

Più in là del mare,

dietro l’orizzonte,

Pegli aspetta.

C’è tanto mare

e la terra è lontana,

ma guardo i tuoi occhi

e lì la trovo.

Dedicata a mia moglie… che è di Pegli