U BINELU E «A PASCIUN DU SEGNU’» di Vincenzo Jacono

Giuda Iscariota - I trenta denari

Candu sti agni inta Pigna u se daixeva

A Pasciun du Segnù, u eira u Binelu

A fa a parte de Giüda, ch’u a rezeva

Cuscì ben che a paixeva fa per elu.

A gh’eira tantu a cœ, e u se l’aveva

Fissà tarmente in fàuda du servelu

Che, pe’ modu de dì, mancu u puuxeva

Destacàsseghe a corpi de scupelu.

Da ciucu fina aa nœte u a recitava

Dau casun aa Madona, e u t’adesciava

De tüti i cai inu Burgu in baunà

Impruviisu e feroce au so sbraià

Ch’u finiiva cuscì: «Mi maledicu,

E ad impicarmi iu vadu; e più nun dicu!»

Dopu st’ürtima nota,

Pïau dau baciücun, Giüda Iscariota

Tranchilu u s’aa runfava,

E i cai, tranchili ascì, ciü i nu baunava.

Vincenzo Jacono – Dialetto di Sanremo

IL BINELLO E «LA PASSIONE DEL SIGNORE»

Quando nei decorsi anni nella Pigna si recitava

La Passione e morte del Signore, era il Binello

A interpretare Giuda, che sosteneva

Così bene che sembrava fatta per lui.

Gli stava tanto a cuore, e se l’era

Fissata talmente in grembo al cervello

Che, per modo di dire, manco poteva

Distaccarsi a colpi di scalpello.

Da ubriaco fino a notte la recitava

Dal suo casolare alla Madonna della Costa, ti svegliava

Di tutti i cani al Borgo Pescio l’abbaiare

Improvviso e feroce al suo sbraitare

Che finiva così: «Mi maledicu,

E ad impicarmi iu vadu; e più nun dicu!»

Dopo quest’ultima nota,

Preso dal sonno, Giuda Iscariota

Tranquillo se la ronfava,

E i cani, tranquilli anche loro, più non abbaiavano.