ÒGNI CÖSA STASEJA di Danila Olivieri

Ògni cösa staseja
a ciccioëza inte l'aja-
e collinn-e careghe de çê
e parme abbrassæ da-o vento
o cigno in sce l'ægua sarmaxa
che regale o scuggia lento.
O ponte o fâ doggio o sò arco
e i lummi speggiæ in mâ
piggian o largo...
In sciô fî d'orizonte
a speransa a destende
'n'infinïa curva d'abbrasso:
inte l'aja resta ciccioëzo
de luxe che a no sa moi,
atteisa mai arreisa a-a seja.

Danila Olivieri – Dialetto genovese del Tigullio

OGNI COSA STASERA

Ogni cosa stasera
mormora nell'aria-
le colline cariche di cielo
le palme abbracciate dal vento
il cigno sull'acqua salmastra
che regale scivola lento.
Il ponte raddoppia il suo arco
e i lumi riflessi in mare
prendono il largo...
Sul filo d'orizzonte
la speranza distende
un'infinita curva d'abbraccio-
nell'aria resta bisbiglio
di luce che non sa morire,
attesa mai arresa alla sera.