ME’ FIGLIA di Roberto Rovelli

Dau mumentu che t’on vista,

u mei mundu u l’è scangiàu.

Menüa, inucénte, bèla a mei pisciusa;   

sonu pèrsu, butéglie, nénari, panéli.

M’arregòrdu a prima parola, 

u primu passu genàu.

Ti créscevi a vista d’ögliu:

frasche, capriçi, bügate, zénugli spelài,

u primu giurnu de scöřa

e e làgrime ch’i l’an acumpagnàu.

Nu’ vieva l’ura de réturnà a cà

pe’ sta a sente e tòu störie

inscì s’eira stancu â fin da mei giurnà.

Ti m’abrassavi, ti rievi cuntènta;

mi eira u tòu eròe e tü a mei sciala...

bastava ina parola: - Papà! –

Pöi, in giurnu, i màscciòti

i l’an cumensàu a girundàte inturnu

e, ciancianìn, ti sei scangià.

Zùvena, géstrùsa, alecà da növe amiciçie,

ti nu’ gh’avi ciü tempu pe’ mi

e cuscì, me son sentìu abandunàu...

oh cume gh’on sufèrtu

a nu’ esse ciü l’ascià d’a tòu vita.     

Ma, cianìn, a röa a l’à giràu

portàndume turna au tòu lau

pe’ agiütàte a cuntügnà u tòu viàgiu.

Cun sudisfaçiùn t’on vista sciurì int’ina dòna

e, cu’e làgrime ai ögli pe’ l’emuçiùn,

t’on acumpagnà, tüta vestìa de giàncu,

u giurnu che ti te sei marià.

E, dapöi d’avéme fàu in po’ aspeità,

ti m’ai fina regalàu dui bèli nevéti

ch’i l’ince de sciala a mei veciàira.

Ancöi ti sei u mei argögliu, a mei richessa;

pe’ mi ti sei tütu; ti sei me’ figlia!

Roberto Rovelli – Dialetto de La Mortola (Ventimiglia)

MIA FIGLIA

Dal momento che ti ho vista,

il mio mondo è cambiato.

Minuta, innocente, bella la mia neonata;

sonno perso, biberon, ninnananne, pannolini.

Mi ricordo la prima parola,

il primo passo incerto.

Crescevi a vista d’occhio:

moine, capricci, bambole, ginocchi sbucciati,

il primo giorno di scuola

e le lacrime che l’hanno accompagnato.

Non vedevo l’ora di ritornare a casa

per ascoltare le tue storie

anche se ero stanco alla fine della mia giornata.

Mi abbracciavi, ridevi contenta;

io ero il tuo eroe e tu la mia gioia...

bastava una parola: - Papà! –

Poi, un giorno, i maschietti

hanno cominciato a gironzolarti attorno

e, poco a poco, tu sei cambiata.

Giovane, volubile, lusingata da nuove amicizie,

non avevi più tempo per me

e così, mi sono sentito abbandonato...

oh come ho sofferto

a non essere più il perno della tua vita.

Ma, lentamente, la ruota ha girato

portandomi nuovamente al tuo fianco

per aiutarti a continuare il tuo viaggio.

Con soddisfazione ti ho vista sbocciare in una donna

e, con le lacrime agli occhi per l’emozione,

ti ho accompagnata, tutta vestita di bianco,

il giorno che ti sei sposata.

E, dopo d’avermi fatto un po’ aspettare,

mi hai anche regalato due bei nipotini

che colmano di gioia la mia vecchiaia.

Oggi sei il mio orgoglio, la mia ricchezza;

per me sei tutto; sei mia figlia!