1954 di Aldo Bottini

Int’a càntera sutana du cumò

séira, remes-ciandu, a l’ho atruvau

cun u ciümin rizénùusu e despuntau

ina ciüma giasciügnà in bèlu po’,

in cadernu daa negra cuvertina

de ganci e de barre scarabuciàu,

avansci du tèmpu despensceràu

de cand’aa scöra a faixevu a prima.

Canti arregordi in mente u me vèn!

E sgüjade a cavalu da ringhéira,

e curse faite giü pe’ a müratéira

cun a cartèla de cartun, meju che rèn.

E braghe da crescènsa cun i tacùi,

i zenuji delongu ras-cegài;

int’e stanche bije e tapi bèn fudrài

cun e figürine di meju curridùi.

Sfujandu e pagine d’ureje cene

de stu cadernu de russu burdàu

ina macia d’inciostru a m’ha regurdàu

üna de prime zùene me’ pene:

a pensà aa maistra cun a bachéta,

a l’öriu pe’ i rati alura versàu

deré aa lavagna tüt’aciacrinàu

ancù avù me vèn ina lagriméta…

Aldo Bottini – Dialetto di Sanremo

1954

Nel cassetto inferiore del comò

ieri, rovistando ho trovato

col pennino rugginoso e spuntato

una penna biascicata un bel po’,

un quaderno dalla nera copertina

scarabocchiato con aste e ganci,

avanzi del tempo spensierato

di quando a scuola facevo la prima.

Quanti ricordi mi vengono in mente!

Le scivolate a cavallo della ringhiera,

le corse fatte giù per la mulattiera

con la cartella di cartone, meglio che niente.

I calzoni stretti e rattoppati,

le ginocchia sempre sbucciate;

nelle tasche biglie e tappi foderati

con le figurine dei migliori corridori.

Sfogliando le pagine sgualcite

di questo quaderno bordato di rosso

una macchia d’inchiostro mi ha ricordato

una delle prime mie giovani pene:

a pensare alla maestra con la bacchetta,

all’olio per i topi allora versato

tutto afflitto dietro la lavagna

mi viene ancora adesso una lacrimuccia…