L’ÀRBURU DE DEINÀ di Maria Muratore

Vurrereva,

ciantà l’àrburu

int’u mei cö,

e apéndighe i nomi de

chi on cunusciüu int’a

mei vita, mascci e fümele,

cheli de sempre e cheli d’avù,

ch’i vegu tüti i giurni e i

autri che scontru de ràiru,

cheli che régòrdu sempre 
e cheli che a vote scordu, 
vögliu bén a tüti,

ai pocu acurtürai cume mi

e a chi ne sà tantu, tantu de ciü.

L’àrburu cun e raixe funde,

cuscì che i nomi apési 

i nu l’age a sécrolà.

Sperança, amù e pàixe, àugüru a tüti.

Bon Deinà.

Maria Muratore – Dialetto di Ventimiglia

L’ALBERO DI NATALE

Vorrei

piantare l’albero

nel mio cuore

e appenderci i nomi di

chi ho conosciuto nella

mia vita, maschi e femmine,

quelli di sempre e quelli di adesso,

che vedo tutti i giorni e gli

altri che incontro raramente,

quelli che ricordo sempre 
e quelli che a volte dimentico, 
voglio bene a tutti,

ai poco colti come me

e a chi ne sa molto di più.

L’albero con le radici profonde,

cosi che i nomi appesi 

non abbiano scossoni.

Speranza, amore e pace, auguro a tutti

Buon Natale.