AUMÉNU STANÖTE di Elio Maccario

Ina seira auménu, a fin deixembre,
che i pecìn i pöxe amorcià
sensa ciagne i söi truntrùi:
che i ciù grandi, sta seira i tire föra
dai scaturùi, ciù tostu,
e vecie couse de sti ani,
e che i ghe mustre cume a l'eira
dabon a vita
che i nostri noni i ne contava a nui...

Me piaixe, candu ven che in anu u passa,
che a gente che amu in cà, asebelìa,
a pösce pijà u so postu e sciorte in ciassa,
sita sita.
E forsi, l'è ina röa?, caicousa se repìja...

Me basterìa appena che int'a nöte,
a caicùn arivasse suru ina parola:
che i nu serve nu, tuti si truntrùi
pe avé ina vita cena
dabon
de sudisfassiùi...

Dèime a mentu...
Se nu, mi digu, (loche u ghe fa?)
che u se deroche pure u carugiu longu int'u paise.
Che chele aurive de centu e cent'agni
se ghe seche e raìxe
e i pije vòuta cume venchi ai primi lavastrùi.
E pöi, ch'a se vaghe a negà
int'ina lona
negra de lapassi
sa rassa
de ..., s'a nu l'è bona.

Elio Maccario - Dialetto di Soldano

ALMENO UNA NOTTE

Almeno una notte a fine Dicembre,
che i piccoli possano spegnere
senza capricci quei loro rumorosi aggeggi elettronici:
che i più grandi, stasera, tirino fuori
invece, dagli scatoloni,
le vecchie cose di anni fa
e che mostrino loro come era
davvero la vita
che i nostri nonni raccontavano a noi.

Mi piace, quando un altr'anno inevitabilmente passa,
che le persone che abbiamo in casa sepolte,
possano prendere il proprio posto e uscire in piazza,
zitta zitta.
E forse, c'è un andamento ciclico?, qualcosa
   [può rimettersi in moto...

Mi basterebbe appena che nella notte
a qualcuno giungesse solo una parola:
che non servono, no, tutti questi aggeggi elettronici,
per avere una vita piena
davvero
di soddisfazioni...

Datemi ascolto...
Se no, dico io, (che ci sta a fare?)
che cada giù il carugio lungo, nel paese.
Che a quegli ulivi di centinaia di anni
si secchino le radici
e cadano di colpo come giunchi ai primi acquazzoni.
Che si vada a annegare
in un'ansa del torrente
nera di mucillagini
questa razza
di ..., se non è buona.