NO GH'Ò CIÙ POULE di Fiorenzo Toso

No gh'ò ciù poule

che peuan dîme.

Desfæto o mondo che conoscio

un atro n'ò da fâ, con moen de vegio

e coæ de figgioame.

Sento mancâ quarcösa.

A lengua. A taxe,

ma a lengua a l'é o mæ paise.

Coscì arresto

con l'anima ch'a l'anscia

into no dito

inta sprescia do veuo

e speto.

Fiorenzo Toso – Dialetto di Arenzano

Non ho più parole

che possano dirmi.

Disfatto il mondo che conosco,

un altro dovrei farne, con mani da vecchio

e voglie da adolescente.

Sento che manca qualcosa.

La lingua. Tace,

ma la lingua è il mio paese.

Così rimango

con l'anima ad ansimare

nel non detto

nella fretta del vuoto

e aspetto.