A-A MÆ NESSETTA di Danila Olivieri

A mi ti t'affidi comme sciôa
averta a-a primma luxe
che a-a bellessa a se consegna.
Appeisa a-e tò cilie serræ
me finzo into tò respïo
e trattëgno i baxi pe no adesciâte
ma te regallo teniésse de seugni
e zeugo a nascondin
co-o tò fattoriso ch'o l'invexenda
finn-a o sô ch'o traluxe inta stansia
e o t'asconde e föe tra i cavelli.
E a mæ äa stanca
ancon a parpella de xôi.

Danila Olivieri – Dialetto genovese del Tigullio

ALLA MIA NIPOTINA

A me t'affidi come fiore 
schiuso alla prima luce 
che alla bellezza si consegna.
Appesa alle tue ciglia chiuse
mi fingo nel tuo respiro 
e trattengo i baci per non svegliarti
ma ti dono tenerezze di sogni
e gioco a nascondino 
con il tuo sorriso a innamorare
anche il sole che filtra nella stanza
e ti nasconde fiabe tra i capelli. 
E la mia ala stanca
ancora palpita di voli.  
Nonna Danila