BACÌ di Dino Ardoino

Incuntrànduru a vegu ch’u se fa

vegnì u colu parescu a ina bibina

pe’ rigirasse vèrsu ina vedrina

e avé mutivu de nun salüà.

E ancù ch’u l’ha u vestìu de gabardine,

a camìixa cua cifra recamà

e u gipunetu a righe ch’u ghe dà

ascàixi l’aria de persuna fina!

Ma u me suvèn de cande da pecin

- brügurùusu e cue causse giü int’i péi -

u stava assetàu sèmpre in sce i scarin

da Cuncessiun. A ladri e carbinéi

u nu giügava: u l’éira ciangiurin

e in pòucu ascì tarlücu. Avù di méi

cumpagneti d’infansia de San Scì

l’ünicu a nun ciamàme u l’è Bacì.

Dino Ardoino – Dialetto di Sanremo

GIOBATTA

Incontrandolo vedo che si fa

venire il collo come una tacchina

per rigirarsi verso una vetrina

e aver motivo di non salutare.

E ancora che ha il vestito di gabardine,

la camicia con l’iniziale ricamata

e il panciotto a righe che gli dà

quasi l’aria di persona fine!

Ma mi sovvien di quando da piccino

- crostoso e con le calze giù nei piedi -

stava seduto sempre sui gradini

della Concezione. A guardie e ladri

non giocava: era piagnucoloso

e un poco anche tonto. Ora dei miei 

compagnuzzi d’infanzia di San Siro

l’unico a non chiamarmi è Giobatta.