U PRIMU SCENDEGU DÒNA di Mario Armando

Ve u digu cume d’üsu à Zena

Alù l’è propriu vea

Avému u Scendegu dòna

In-ta noscia Burdighea

Scendegu o Scendaghessa

Cume se dirà?

Nu l’è su lì u puntu

U ciü l’è ch’a se daghe da fà

Da Ela de su lì

Nu ne mancherà

Nu duvumu avè da téme

Pe a Sua capaçità

E scì, perché a cà voscia

Vurereva in po’ ve’

Se cumanda de longu l’omu

O se invece l’è à muié

Gente, ma ghe pensai!

A nu pà mancu vera

A prima dòna Scendegu

Ee ... nasciüa a Burdighea

E segürü che a ne amenisterà

Cu giüstissia e cumpeténsa

Fàmughe a l’ex maistra ...

Tanti aügüri, e ina reverensa

A l’è a prima a tegne l’incaregu

Chì, in-tu Punente

E me paresce a mì

Che sece cosa cunvegnente

Perché de ciàciare

Nu ne avemu ciü besoegnu

Ghe voe bèn caicün

Che agüsse in po’ l’inzegnu

ghe sarà caicün

che se dumanda

“ma cume l’è ? “ina dòna

che avura a ne cumanda ?

Stài tranchili alù 
E sensa pùira

Se avùra gh’è in Cumüna

Chi puntéla a frana o a sbùira

Eh! Se me ne aregordu

Mì che son già véciu

Ela ha l’avertu i oei

In-tu Paise Veciu

Mario Armando – Dialetto di Bordighera

IL PRIMO SINDACO DONNA

Ve lo dico come si usa a Genova

Allora è vero

Abbiamo un Sindaco donna

Nella nostra Bordighera

Sindaco o Sindachessa?

Come si dirà?

Non è questo il punto

Il più è che si dia da fare

Da Lei l’impegno

non mancherà

non dobbiamo temerlo

per le sue capacità

eh si, perché a casa vostra

vorrei un po’ vedere

se comanda sempre l’uomo

o se invece la moglie

Gente, ma cosa pensate!

Non sembra nemmeno vero

La prima donna Sindaco

È nata ... a Bordighera

E sicuro che ci amministrerà

Con giustizia e competenza

Facciamogli all’ex maestra

Tanti auguri, e una riverenza

E’ la prima ad ottenere l’incarico

Qui, nel Ponente

E a me sembra

Che sia una cosa conveniente

Perché di chiacchiere

Non ne abbiamo più bisogno

Ci vuole ben qualcuno

Che aguzzi un po’ l’ingegno

CI sarà qualcuno

Che si chiede

Ma come, è una donna

Che ci comanda adesso ?

State tranquilli allora,

e senza paura

se adesso c’è  in Comune

chi blocca una frana o un muro caduto

Eh! Se mi ricordo bene

Io che sono già vecchio,

Lei ha aperto gli occhi

Nel Paese Vecchio