U NEGRÙ DA NÖTE di Dino Ardoino

A me dà gena a nöte cuu so scüru

velu. Ma nun pe' puira de incuntrà

caicün che vivu o mortu u me vö mà,

percòuse mi a nu sun – a v'assegüru –

gàiri prupissiu a fame spaventà.

Za da garsun e ascì pöi, ciü maüru,

a mancansa du sù a m'è parsa in düru

castigu dàitu a l'omu pe' pürgà

i marlàvui ch'u ha sempre cumbinàu

de cande paire Adamu dau Segnù

dau Paradìisu u l'è stau destanàu.

Insuma, a vöju dive che u negrù

de nöitürae cuu celu incatramàu,

orbu de stele e du bèlu s-ciairù

inargentàu da lüna, u me fa stà

descòmudu cun in sènsu d'anscietà.

Dino Ardoino – Dialetto di Sanremo

IL TENEBRORE DELLA NOTTE

Mi dà impaccio la notte col suo oscuro

velo. Ma non per la paura di incontrare

qualcuno che vivo o morto mi vuole male,

poiché io non sono – vi assicuro –

molto propenso a farmi spaventare.

Già da ragazzo e pur poi, più maturo,

la mancanza del sole mi è parsa un duro

castigo dato all'uomo per purgare

i malestri che ha sempre combinato

da quando padre Adamo dal Signore

dal Paradiso è stato scacciato.

Insomma, voglio dirvi che il buio

delle nottate con il cielo catramato,

orbo di stelle e del bel chiarore

inargentato della luna, mi fa stare

a disagio con un senso d'ansietà.

A VITA di Martino Biancheri

Testo di una canzone dell'album "Müxica muderna"

Làscime sta,

avù nu gh'hon mia testa de cantà

e pöi mi gh'hon du restu da pensà,

ti me vöi dì

che u bon pe' mui u deve ancù arivà,

ti hai mai gardau

drente ai ögli d'in figliö pecin

che a vita ancù u nu sa mia còusa a vöglie dì

e cante couse ancù n'aresta d'acapì.

Gòdite a vita

se sa candu se parte

nu se sa candu s'ariva,

se ti pöi pàssitera ben.

Serìa belu savé

lasciü dopu e stele cousa gh'è,

da in sgarbu mi ghe vurerìa in po' vé

o a savéru nu se turna ciü indaré,

aria cauda de marina

o prai a matìn gianchi de brina,

fussai ch'i porta giü de l'aiga bona

in fögu assesu

chi se a canta e chi se a sona.

Gòdite a vita

se sa candu sa parte

nu se sa candu s'arriva,

se ti pöi pàssitera ben.

Martino Biancheri – Dialetto di Vallebona

LA VITA

Lasciami stare,

adesso non ho mica voglia di cantare

e poi ho del resto a cui pensare,

mi vuoi dire

che il buono per noi deve ancora arrivare

hai mai guardato

dentro agli occhi di un bambino piccolo

che non sa ancora cosa voglia dire la vita

e quante cose ancora ci restano da capire.

Goditi la vita

si sa quando si inizia

ama non si sa quando finisce,

se puoi passatela bene.

Sarebbe bello sapere

lassù dopo le stelle che cosa c'è,

da un buco io vorrei poi vedere

o a saperlo non si terna più indietro,

aria calda di mare

o prati al mattino bianchi di brina,

torrenti che portano giù dell'acqua buona,

un fuoco acceso

chi se la canta e chi se la suona.

Goditi la vita

si sa quando si inizia

ama non si sa quando finisce,

se puoi passatela bene.

I ZOCCOLETTI DE MÂE FIGGIU di Luigi Panero

Zoccoletti: sutta legnu,
survia pessa, e pocu chêuju.
I àn difèsu i pë piccin
de mâe figgiu, i sun tant’äni...
Che invernadda lunga e triste
sciù da tâera l’ëa ciungiò!
Neve a-i munti e l’âegua in zù,
e scumporse erbe e sciue.
Pe-a campagna che giassò
nu daxeva mancu in cantu.
Zoccoletti fâeti in pessa
Pocu cheuju e seûa in legnu,
piccin pë, drentu serrâe,
de mâe figgiu i-ëi purton.
Ve sentivu batte a stradda
quande a schêua l’ëa fïnia,
quande lè, cume na freccia,
u turnöva in po’ zeòn.
Fêugu accesu se pruntòva
perchè bèn se ghe scädasse.
Aûa ciù, vui zoccoletti,
nu sunâe pe-a stradda freida,
u figgiêu l’è andâetu via,
p’ötre freide stradde u và,
e-u l’à pë che-i batte forte,
e-i fan passi p’arrivò….
Ma mì êurâe, o zoccoletti,
che in vui drentu sempre i stesse
i sò pë gianchi e piccin!


Luigi Panero - Dialetto di Loano


I ZOCCOLETTI DI MIO FIGLIO

Zoccoletti: sotto di legno
sopra di stoffa ed un po’ di cuoio.
Hanno protetto i piedi piccoli
di mio figlio, or son passati tanti anni...
Che inverno lungo e triste
sulla terra era caduto!
Neve ai monti e l’acqua in pianura
e scomparse l’erbe ed i fiori.
e per la campagna quanto ghiaccio
non si sentiva alcun canto. 
Zoccoletti fatti di pezza
poco cuoio e suola in legno,
i piccoli piedi dentro serrati- di mio figlio
avete portati- Vi sentivo battere la strada
quando la scuola era finita,
quando lui, come una freccia, tornava, un po’ gelato.
Fuoco acceso si approntava 
perché bene si scaldasse.
Ora più, voi zoccoletti,
suonate sulla strada fredda,
il fanciullo è andato via,
per altre fredde strade cammina
e ha piedi che battono forte
e fanno passi per arrivare...
Ma io vorrei, o zoccoletti,
che in voi sempre dentro stessero 
i suoi piedi bianchi e piccini!.

U SCIÙ GANASCIA di Franco D'Imporzano

Omu da l'influente pusissiun,

tra bidùi, büste e càusci int'u pané

u aìssa au cielu in növu casermun

prugetau da ina perla d'anzegné.

U rumpe, u strépa, u sgarba, e, d'aciatun

aa nöte, pöi, candu nisciün uu vé,

i èrburi cun carche inissiun…

u t'ii cüra ciü bèn d'in infermé.

U vö bèn au simèn e ascì ai maùi

ch'i ghe permete de sentì u son

magnificu de l'ouru int'i stagnùi

rebumbà dapertütu cume in tron.

Fin ch'a düra u fa u bagnu int'i miriùi,

ma s'a scangia… u va a bagnu pé dabòn!

Franco D'Imporzano – Dialetto di Sanremo

IL SIGNOR GANASCIA

Uomo dall'influente posizione,

tra fregature, bustarelle e raccomandazioni

alza al cielo un nuovo “casermone”

progettato da una perla di ingegnere (per metà asino!)

Spacca, strappa, fora, e, di nascosto

la notte, poi, quando nessuno lo vede,

gli alberi con qualche iniezione…

te li “cura” meglio di un infermiere.

Ama il cemento e anche i mattoni

che gli permettono di sentire il suono

magnifico dell'oro in cassaforte

rimbombare dappertutto come un tuono.

Finché gli dura fa il bagno nei milioni,

ma se cambia… andrà a bagno per davvero!

E A L'È CUSCÌ di Dario Berisso

Quaranta righe propriu i nu bastu
pe pueì dî quante u mundu u l'è guastu.
Pe evitâ in po de speise
desgie guere i l'han asseise.
E a listêuia ancon a s'allunga
oua che ghemmu l'ommu bumba.
E radiasiùn chi ne trapassu
e mille cose chi n'ammassu.
Frûta e verdûa a l'è avvelenâ,
carne e pesciu ch'i te fan mâ.
Nu se pêu ciu respiâ
perché l'aja a l'è impestâ.
Quante figgiêu da famme l'è creppou
e gh'è chi gïe in se carrosse d'öu.
Ghè a moæ ch'i càcciu in tu bidon
e ch'i càcce zu du barcon.
Poi ghè a moæ cö chêu de tigre
che a u fa negâ in ta lavatrice.
In TV regna a viulensa
e donne nûe sensa cosciensa:
a i figgiêu cuscì i ghe fan
schèua "a delinquere" pe u duman.
Ogni giurnu, casgiu strano,
cazze sempre ûn'areuplanu.
Poi gh'è i grattacieli ch'i van zù
e chi sensa u viagra u nu sta sciù!
I Euru fæti tantu piccin
ch'i fan in po giâ u .....
U fûmme di automobili chi cresciu delungu
i l'han purtôu a fin du mundu.
U bêusu in te l'ozonu e u sô cu ne fa mâ
se femmu ben i cunti: ghe pocu da scampâ.
E pe megioa a situasiun
se fan sfilate de modda e partïe de ballun.
Vistu che u vive u nu l'è ciu giucundu
speremmu che almenu i nu clone anche u mundu.

Dario Berisso - Dialetto Di San Salvatore Dei Fieschi - Frazione Di Cogorno (GE)

ED È COSÌ

Quaranta righe proprio non bastano
per poter dire quanto il mondo è guasto.
Per evitare un po' di spese
dieci guerre hanno accese.
E la cosa ancor si allunga
adesso che abbiamo l'uomo bomba.
Le radiazioni che ci trapassano
e mille cose che ci ammazzano.
Frutta e verdura è avvelenata,
carne e pesce che ti fanno male.
Non si può più respirare
perché l'aria è impestata.
Quanti bambini dalla fame son morti
e c'è chi gira sulle carrozze d'oro.
C'è la mamma che li butta nel bidone
e chi li butta dal balcone.
Poi c'è la mamma col cuore di tigre
che lo fa affogare in lavatrice.
In TV regna la violenza
e le donne nude senza coscienza:
ai bambini così ci fanno
scuola "a delinquere" per il domani.
Ogni giorno, caso strano,
cade sempre un aeroplano.
Poi ci son i grattacieli che vanno giù
e chi senza il viagra non sta su!
Gli Euro fatti tanto piccoli
che fanno un po' girare il ......
Il fumo delle automobili che crescono sempre
hanno portato alla fine il mondo.
Il buco nell'ozono e il sole che ci fa male
se facciam bene i conti: c'è poco da vivere.
E per migliorare la situazione
si fanno sfilate di moda e partite di pallone.
Visto che il vivere non è più giocondo
speriamo almeno che non clonino anche il mondo.

I SILÉNÇI D’Â MARINA di Marco Scullino

Ventimiglia - Marina San Giuseppe

Ciöve â Marina.
Inte stu deixembre sença ventu,

e sença sbrina.

In lapüssu de penscéiri

u se desgaglia intu mézu ae prie

sciusciunandu au silençiu d’a Scciümaira

ch’a ven a se spande in scé

ste ciaze abandunae

fina d’â lüxe,

lampàra scévura

inte unde lente

de sta funda pàixe.

Ghe n’è tropu de silençiu

staséira â Marina

e st’aigàglia inciacrinà

se ne cara fina fina.

A fa trémüri i regordi,

e drente au cö a l’è za ina spina.

Marco Scullino – Dialetto di Ventimiglia

I SILENZI DELLA MARINA

Piove alla Marina.

Ed è un dicembre senza vento,

e senza brina.

Uno sciabordio di pensieri

si disfa tra le pietre

susssurrando al silenzio del Roja

che viene a spandersi

su queste spiagge abbandonate

persino dalla luce,

lampara fievole

fra le onde lente

di una fonda pace.

Ce n’è troppo di silenzio

di sera alla Marina

e come a sprazzi le speranze

cadon lente in pioggia fine,

fanno tremoli i ricordi

e dentro il cuore sono spine.

SENTÌ CHE ROBA! di Laila Cresta

Quande e nae van po u mâ
i mainé son fœa de cà,
i figgeu a fâ na fûrbaia,
i vegetti son a l’ostaia,
ma e donne, questo se sa,
an sempre in gran bello da fâ
e travaggian in cà e fêua
mentre i figgi i son a schêua.


Laila Cresta - Dialetto Sestri Levante (Ge)


SENTITE CHE ROBA!

Quando le navi van per mare
marinaio è a navigare,
bimbi a far monelleria,
e i vecchietti all’osteria;
invece le donne, questo si sa,
han sempre tanto, troppo da far,
in casa e fuori han da lavorare
mentre i figli sono a studiare.

U FUSSAU di Aldo Bottini

A cheli tempi u gh’eira u nonu

p’agiütate u fussau a traversà:

in culin a lei ti l’eiri assegürà

e ti sentiivi tütu u bèn che st’omu

u te vuixeva cande, int’e l’andà,

de pria in pria u l’alansava u pè.

Avura che de noni u nu ghe n’è

e l’aiga, cuverta, a l’è de bon passà,

ti poi arrembate a mi cand’u gh’è

da fa in passu in po’ ciü delicau

e fiate de chi u l’è destinau

a vejà sce i giurni töi, fin ch’u ghe n’è.

Tégnite forte a-a man ch’a t’ha agantau

e se ti hai puira gardame int’i oji

e serca d’as-ciairighe, ancura ancöi,

a lüna ch’u nu speja ciü u fussau…

Aldo Bottini – Dialetto di Sanremo

IL TORRENTE

In quel tempo c’era il nonno

per aiutarti ad attraversare il torrente:

a cavalluccio a lui eri assicurata

e sentivi tutto il bene che quell’uomo

ti voleva quando, nell’andare,

di pietra in pietra lanciava il piede.

Adesso che nonni non ce ne sono

e l’acqua, coperta, si passa facilmente,

puoi appoggiarti a me quando c’è

da fare un passo un po’ più delicato

e fidarti di chi è destinato

a vegliare sui tuoi giorni, fino alla fine.

Tieniti forte alla mano che ti ha afferrato

e se hai paura guardami negli occhi

e cerca di vedervi, ancora oggi,

la luna che il torrente non specchia più…

A LÜNA di Martino Biancheri

Testo di una canzone dell’album "Müxica Muderna"

Riturnesse si veci

e i veiesse loche gh’è au dì d’ancöi,

s’i savesse che ti pöi parlà alogni

sensa besögnu de raglià…

E in ti uspeai i te fan certe uperassiui

che ina vouta i te lasciava crepà;

l’è véra, scì, che se n’è alongau a vita

ma se n’è alongau aiscì i perché…

Riturnesse si veci

i ne piglieria tüti pe abelinai,

s’atöscegamu cun a benzina

e sulu pe nu fa dui passi a pei.

Ti ai mai pensau a tüta a fatiga

ch’i l’han fau pe fà cheli maixei

cheli maxei, cheli là che ti vei

duve avura ghe ven i ruvei

scì, ghe ven i ruvei…

Riturnesse si veci

de següru i se meterìa a rie

savendu de l’omu sciǘ in se a lüna

e a dona in se a tèra ch’a digiüna.

O zuveni che nu ve gardai in daré

caicün u l’à già pousau u primu pé

a lüna a l’è bona pe sümenà

se vurei cöglie in t’in duman

a lüna a l’è da gardà.

MARTINO BIANCHERI – Dialetto di Vallebona

LA LUNA

Ritornassero i vecchi

e vedessero quello che c’è oggigiorno,

se sapessero che ti puoi parlare da lontano

senza bisogno di gridare…

E negli oaspedali fanno certe operazioni

che una volta ti lasciavano crepare;

è vero, sì, che ci si è allungata la vita

ma si sono allungati anche i perché…

Ritornassero i vecchi

ci prenderebbero tutti per scemi

ci intossichiamo con la benzian

e solo per noon fare due passi a piedi.

Hai mai pensato a tutta la fatica

che hanno fatto per fare quei muri a secco

quei muri a secco, quelli là che vedi

dove adesso crescono i rovi,

sì ci crescono i rovi…

Ritornassero i vecchi

di sicuro si metterebbero a ridere

sapenbdo dell’uomo sulla luna

e la donna sulla terra che digiuna.

O giovani che non vi guardate indietro

qualcuno ha già appoggiato il primo piede

la luna è buona per seminare

se volete raccogliere nel domani

la luna è da “guardare”.

RÖIA di Gianni Bosio

Fiume Roia nei pressi di Fanghetto

Cara vecia scciümaira

che ti m'ai vistu da candu eira picin,

cara vecia scciümaira

che da büve ti m'ai daitu a tou aiga.

Da ste muntagne ti nasci ben auta

e ti cari zü, zü, cian cianin;

ti recampi maniman autra aiga

ti a recampi da drita e da lerca.

Ti t'arrübati carandu maniman

tra baussi, scögli e prìe,

a resciourate ti te fermi ogni tantu

inte ste lone che ti trövi in valà.

Candu pöi u respiru ti pigli

ti repigli u tou lentu carà,

tra ste gure strente ti passi

pe' largate ciü in zü a insarinà.

Cara vecia scciümaira,

intu mezu i t'an vusciüu taglià,

ma tü ti cuntinui da sempre

a ünì a nostra cara valà.

Gianni Bosio – Dialetto di Ventimiglia

ROIA

Caro vecchio fiume

che mi hai visto da quando ero piccolo,

caro vecchio fiume

che da bere mi hai dato la tua acqua.

Da questi monti tu nasci ben alto

e scendi giù, giù, pian piano;

raccogli intanto altra acqua

la raccogli da destra e da sinistra.

Cadi scendendo via via

tra ciottoli, scogli e pietre,

a riposarti ti fermi ogni tanto

in questo laghetti che trovi nella vallata.

Quando poi riprendi respiro ricominci il tuo lento discendere,

tra queste gole strette tu passi

per allargarti più giù verso il mare.

Caro vecchio fiume,

nel mezzo hanno voluto tagliarti,

ma tu continui sempre

a unire la nostra cara vallata.

DASSE MARÒUTU di Franco D'Imporzano

Pé ün ch'u séce staitu abituau

au rüscu, u nu gh'è pézu disunù

che ésse in maroutia. Bèn riparau

dae cuvèrte, u se sente in disertù!

U papé che u sciù méigu u gh'ha firmau

u duveréva ésse amucaù

de rimorsci pé u tantu amau-udiau

rüscu che léi mancante, o per amù

o per forsa i culéghi i han da smaltì.

Ma élu, a sun de pìlure e impascensa,

u frìze, u imbéta, u serca de garì

e, s'u gh'aa fa, de cùita u vö abulì

i giurni destinai aa cunvalescensa

pe' turnà au scagnu… e u mundi maledì!

Franco D'Imporzano – Dialetto di Sanremo

DARSI MALATO

Per un tipo abituato a lavorare

e con zelo, non v'è peggior disonore

che essere in malattia. Ben riparato

dalle coperte, si sente un disertore!

Il certificato che il medico gli ha firmato

dovrebbe far giustizia d'ogni rimorso

per aver momentaneamente tradito l'amato-odiato

lavoro il cui quantitativo, assente lui dall'ufficio, per amore

o per forza i colleghi dovranno smaltire.

Ma egli, ingoia di pillole con impazienza,

frigge, si lamenta, cerca di guarire

e, se ce la fa, in fretta vuole abolire

i giorni destinati alla convalescenza

per tornare in ufficio… e maledire il mondo intero da dietro alla scrivania!

SE U SUU U CARHA BÈN di Livio Tamagno

Ciòeve. A ghe dà, drua a pica. Aa sèntu en sci-e tole ru gagìn,

Aa vegu spetazarlse è poei scügliaa en sci-u teitu ru veijin;

Daa porlte ra cà a sauta burldeluusa dai scarhìn...

Se a na ciànta lì, de segurhu ghe serhà ri dani stamatìn.

Gh'è in sgarlbétu en te se nivurhe, se ve ina lutza de serhén,

E l'è pe' lo' che aa na sméte, ch'a nu piglia mancu arhén;

Se sènte za u valùn sciüsciaa comu ogni viègiu che l'è cén.

Rèn da faa ancoei: u celu u nu l'ha retegniu, u nu l'ha frén.

Ghe mancherhìa dui troei pe' faa ancuu ciü bèla a fèsta,

Pe' farlme dii che ancoei ae ciànte mancu ciü ina foeglia rèsta,

Da rènde nurlmàle, o ciü che legitima sta mia plutèsta.

Ma lasciü… nesciün me sta a sentii. De sméte nu gh'è pèsta.

Séia se serhìa diitu u cuntrarhiu au modu ch'eia carhàu u suu.

Ma seia leia seia, ancoei l’è ancoei, in'autru dì: e semu auu

E', a loche sèntu e vegu, nu gh'è pe' rèn da rii ma da agliee pauu;

Che i oegli i scien ciüghi o envèrlti, e vegu surhu in curhuu.

-Se u suu u carha bèn... - Ai diiti d'in viègiu nu gh'è ciü da darlgh’amèntu,

E parhòle che se diijia alauu me paa ch'u scie surhu che vèntu.

To', in sbrufurhùn de sulì gh'anderhìa pe' resolve tütu en t'in mumèntu,

E' mi, de vee scapaa se nivurhe, ciü ch’in figlioeoe serhìa cuntèntu!

Livio Tamagno – Dialetto di Baiardo

SE IL SOLE TRAMONTA BENE

Piove. Scende a catinelle, fitta. La sento sulle lamiere del pollaio,

La vedo schiacciarsi e poi scivolare sul tetto del vicino;

Davanti la porta di casa salta chiassosa dagli scalini.

Se non la smette, di sicuro ci saranno dei danni stamane.

C’è un buco in quelle nuvole, si vede un po’ di sereno,

Ed è per ciò che non la smette, che non prende nemmeno respiro;

Già si sente il torrente rumoreggiare come quando è gonfio.

Niente da fare oggi: il cielo non ha ritegno, non ha freno.

Mancherebbero due tuoni per far più bella la festa,

Per farmi dire che alle piante non rimarrà più foglia,

Da rendere normale o più legittima questa mia protesta.

Si sarebbe detto il contrario al modo che era sceso il sole ieri sera.

Ma ieri sera era ieri, oggi siamo oggi, un altro giorno: è adesso.

A quello che vedo e sento non c’è da ridere ma da aver paura;

Che gli occhi siano chiusi o aperti, vedo un solo colore.

-Se il sole scende bene… - Ai detti di una volta non bisogna farci caso,

Le parole che si dicevano una volta mi sembra che sia solo vento.

Ecco, ci andrebbe un soffio di quello lì per risolvere tutto in un momento

Ed io, veder scappare quelle nuvole, più che un bambino sarei contento!

GIANCHETTI di Luigi Panero

Tempo nisso stamattin,
tempo l’è da “belli fin”!

Ecco infatti de çestette
zù dä rïva i munta sciù:
e se spanze pë stradette
in criò che o smette ciù:

“pasta fina
pasta fina!”

Ghe sajà in’ogni cuxina
pïle presto de frisciêu,
allegria de figgiêu

e pansè de gobeletti 
tutti fâeti de gianchetti

Luigi Panero - Dialetto di Loano

BIANCHETTI

Tempo nuvoloso stamattina,

tempo favorevole alla pesca dei “belli fin”

Ecco infatti delle ceste

dalla spiaggia salgono al paese:

e si spande per le strade

un gridare senza fine:

“pasta fina

pasta fina”

Ci sarà in ogni cucina

presto pile di frittelle.

allegria di ragazzi

E panciate di frittelle

tutte fatte con i bianchetti.