LIGÜRIA CUME IN’AMANTE di Aldo Bottini

Finìe e caude giurnae du sù in leun

ti sei turnà a vegnì int’e me brasse.

Pe’ int’a chiete nustrà aresciurasse,

u te mena u frescu… ancù in cumbineson.

I meju giurni ti l’hai aregalài

ai furesti sitadin d’ogni nassiun.

L’arenéla ti lasci vöa de cunfüxun

avù che i parasùi i se sun serrài.

I cumensa e giurnae a refrescasse.

Ti me piaixi cuscì, cande cuu to’ sciau

ti fai viè de l’invernu chelu lau

che i autri mancu i pon assunasse.

Frevà u te garnirà, cadru incantàu,

de petali d’amàndura recampài

da bufurùi legeri e prefümài:

u serà cume d’amù esse baixàu.

Aldo Bottini – Dialetto di Sanremo

LIGURIA COME UN’AMANTE

Terminate le calde giornate del solleone

sei ritornata fra le mie braccia.

Per riposarci nella nostrana quiete

il fresco ti accompagna… ancora in sottoveste.

I giorni migliori li hai regalati

a stranieri cittadini d’ogni nazione.

Lasci la spiaggia priva di confusione

ora che gli ombrelloni si sono chiusi.

Le giornate cominciano a rinfrescarsi.

Mi piaci così, quando col tuo alito

manifesti dell’inverno quell’aspetto

che altrove non possono neanche immaginare.

Febbraio ti adornerà, in un quadro incantato,

di petali di mandorlo portati

da folate di vento leggere e profumate:

questo sarà per me come un bacio d’amore.

SCIENSA di Pierina Giauna

Ciairu, scüru.

Muntagne lüminuse,

surchi, valate

strade e camin.

Tütu bala,

tütu zira,

lampeza.

In paisagiu

d’a Lüna

cuřù d’arena,

bèlu da ve’.

E a l’è numà
l'ecugrafia

â spala drita !

Pierina Giauna – Dialetto di Ventimiglia

SCIENZA

Chiaro, scuro.

Montagne luminose,

solchi, valli

strade e viottoli.

Tutto balla,

tutto gira,

lampeggia.

Un paesaggio

della Luna

color sabbia,

bello da vedere.

Ed è solo

un’ecografia

alla spalla destra !

BASSA-BASSÉTA PECINA di Franco D’Imporzano

Bassa-basséta,

bassa-basséta pecina,

aa mé seirana veixina

vegni a fa lüüxe!...

A v’ho incuntrau

ina nöte d’estae,

sciamu de svurassanti

lanternine vaganti,

lümin invexendai

che int’u scüru de l’ésciu

i séi scapai…

L’udù

da campagna adurmìa

u se fundeva

cun u rujà de l’aiga drénte au pussu

e u versu da ragnùgna int’u fussau.

A v’ho ciamau

servendume de véja firastroca

ch’a s-ciuìva dau cö sensa fatiga,

cansun mai scurdà,

cansun sempre amiga:

“Bassa-basséta,

bassa-basséta pecina,

se ti me végni veixina

a te dagu u pan da ré

e asci chelu da regina!”

Forsci

a v’averévu dumandau perdun

pé tüte e vostre sö

ch’a l’ho messu int’u gotu

candu a l’éiru fiö.

Franco D’Imporzano – Dialetto di Sanremo

LUCCIOLA PICCOLINA

Lucciola,

lucciola piccolina,

alla mia sera che sta per arrivare

vieni a far luce!...

Vi ho incontrato

una notte d’estate,

sciame di svolazzanti

lanternine vaganti,

lumini indaffarati

che nel buio del viottolo

siete fuggiti…

L’odore

della campagna addormentata

era tutt’uno

con il gorgoglìo dell’acqua del pozzo

e il verso della raganella nel torrente.

Vi ho chiamato

usando la vecchia filastrocca

che nasceva dal cuore facilmente,

canzone mai dimenticata,

canzone sempre amica:

“Lucciola,

lucciola piccolina,

se mi vieni vicina

ti do il pan del re

e anche quello della regina!”.

Forse

vi avrei chiesto perdono

per tutte le vostre sorelle

che ho imprigionate nel bicchiere

quando ero bambino.

U RUSSIGNÖ di Renzo Villa

                                                                              

In scia a çima de l’arcipréssu,

auta ch’a toca ascaixi a lüna,

pe’ chi ti canti, o russignö ?

Forsci pe’ e sciure ch’i vön dorme

e che a nöte de magiu a e cüna

o pe’ arresponde a a tou cumpagna

ch’a tè ciama d’inte l’urignö.

Mì ‘sta nöte me ne stàgu chi,

ascusu derré a ‘sta baràgna,

a aspeità che ti t’avìsi

de cantane üna inscì pe’ mì.

Renzo Villa – Dialetto de La Mortola

L’USIGNOLO

Sulla cima del cipresso,

alta quasi a toccar la luna,

per chi canti, o usignolo ?

Forse per i fiori che vogliono dormire

e che la notte di maggio (li) culla

o per rispondere alla tua compagna

che ti chiama dall’alaterno1.

Io questa notte resto qui,

nascosto dietro a questo cespuglio,

aspettando che ti ricordi

di cantare una canzone anche per me.

A VÉN CIANÎN ŔA SEIŔA di Pietro Baccino

A vén cianîn ŕa seiŕa, u su u se xmórta,

u coŕa deré aŕ bŕic e u dŕöb ŕa pórta

dŕa nöč ch’a štend ŕa só cuverta neiŕa.

U sógn u léva sü na gianca veiŕa

e u vöŕa in meż aŕ nivuŕe du zé.

A sent paŕole duze cun l’amé

che ti te m’divi, moŕe, e a j’éŕa fiö,

e a me šcodova eŕ man davanti aŕ fö

dŕa vegia štiva, sciama sena füm,

e a j’ovman sul ŕa štanca lüx d’in lüm.

U temp u bŕüxa i agni, i son andoi,

anche i töi ögi beli i son seroi.

Ans’l’erba e s’pósa u cianżi dŕa ruśò

e u sagŕîn di ricórdi u lia u sciò.

Pietro Baccino – Dialetto di Giusvalla (Sv)

Poesia tratta dalla raccolta “U m’parlova mé poŕe”

VIENE LENTA LA SERA

Viene lenta la sera, il sole si spegne,

cala dietro le colline e apre la porta

della notte che stende la sua coperta nera.

Il sogno alza una bianca vela

e vola in mezzo alle nuvole del cielo.

Sento parole dolci come il miele

che mi dicevi, madre, ed ero bambino,

e mi  scaldavo le mani davanti al fuoco

della vecchia stufa, fiamma senza fumo

e avevamo solo la stanca luce di un lume.

Il tempo brucia gli anni, sono andati,,

anche i tuoi occhi belli son serrati.

Sull’erba si posa il pianto della rugiada

e la tristezza dei ricordi lega il respiro. 

E STAGIUI: PRIMAVERA di Maria Ros

Cume in petitu Marsu u se diverte

a fane sta suta e cuverte

i érburi i han za burìu

ma u fréidu u nu l’è ancù finiu.

Sbadiandu u vén Avrì

u porta tanta aiga int’u barì

de sciure a l’è vestìa a Primavera

e a vita a l’è delongu in’aventüra.

Durse cume l’amé u l’è Mazu

cereixe e meriéli in assàsu

se sente u riturnélu

d’ina cansùn d’amù

s’amagunisce ina zùvena au barcùn.

Maria Ros – Dialetto di Sanremo

LE STAGIONI: PRIMAVERA

Come un bambino Marzo di diverte

a tenerci sotto le coperte

gli alberi han già fiorito

ma il freddo non è ancora finito.

Sbadigliando viene Aprile

riempie d’acqua il barile

di fiori è vestita Primavera

e la vita è sempre un’avventura.

Dolce come il miele arriva Maggio

ciliegie e fragole in assaggio

si sente il ritornello

di una canzone d’amore

s’immalinconisce una ragazza al suo balcone.

BÈSTIE di Mario Saredi

Pòvere bèstie

amassàe pe’ vestì

üna cuscì.

Nu pe’ u frèidu

ma pe’ fa vé

che cu’a pèle de üna,

in’àutra bèstia

se pö vestì.

Chi drente,

càudu da stégne,

ina vècia de àni,

s’imbrüca d’angùscia

pe’ fa vé

chi l’è a bèstia

che conta de ciü.

Mario Saredi – Dialetto di Camporosso

ANIMALI

Poveri animali

uccisi per vestire

una così.

Non per il freddo

ma per mostrare

che con la pelle di una,

un’altra bestia

si può vestire.

Qui dentro,

caldo soffocante,

un’anziana,

s’imbacucca angosciosamente

per dare a vedere

qual è l’animale

che conta di più.

SANREMU 2000 di Aldo Bottini

U se sente dì delongu ch’a Sanremu

sti agni tütu u l’andaixeva meju.

Pe’ mi ch’a nu sun ancù tantu veju

a Sanremu bèn a ghe stamu cum’a semu.

Pascïensa s’i uspeai i van aa bèla meju;

verdu e strade i sun noma sce-u papé;

s’a foura du treatu a l’è ciü veja che Caté,

e int’i parchegi u nu gh’entra ciü in caveju.

Nu fa rèn se i cai i l’imbrata i marciapé;

se a funivia a nu funsiuna ciü;

e a San Custansu i ghe faran u fümé.

Poucu u conta se a Pigna a se prefunda giü.

Nui, a Sanremu, a gh’amu u Casinò:

cous’a pretendemu, alantura, mai de ciü?

Aldo Bottini – Dialetto di Sanremo

SANREMO 2000

Si sente spesso dire che a Sanremo

in passato tutto andava meglio.

Per me, che non sono tanto vecchio,

a Sanremo stiamo benissimo così.

Pazienza se gli ospedali vanno alla bell’e meglio;

se verde e strade sono solo sulla carta;

se il progetto di un teatro si protrae all’infinito

e i parcheggi sono pieni e insufficienti.

Non importa se i cani imbrattano i marciapiedi;

se la funivia è ferma e non partirà più;

e se a San Costanzo ci faranno il “fumaiolo”(¹).

Poco conta se la Pigna frana rovinosamente.

Noi, a Sanremo, abbiamo il Casinò:

cosa pretendiamo dunque mai di più?

GH’É TRISTESSA... di Fiorenzo Toso

Gh’é tristessa

derrê e pòule,

en cäri lenti

che pòrtan

sensa pösa

ciappi de ti

da tò consciensa

do tò còrpo

in sce futi sentê

de scilensio.

T’æ into coeu o fattoriso

de ’n giorno distante

ma fïto

o straluxe, o s’ammerma

’nte ’n ransio tramonto

d’erlìa.

Fiorenzo Toso – Dialetto di Genova

C’È TRISTEZZA

C’è tristezza

dietro alle parole,

sono lenti carri

che portano

senza fine 

cocci di te

della tua coscienza

del tuo corpo

lungo pallidi sentieri

di silenzio.

Hai nel cuore il sorriso

di un giorno lontano

ma subito

trasluce, scompare

in un rancido tramonto

di angoscia.

U LIBRU di Giovanni Ormea

In t’ina càntera d’in cumò veju

a l’ho truvau in libru ben rilegau,

cun letere ciare cume in speju,

fin se scrite in goticu du tempu andau.

Aiscì stranu u l’eira pöi u fatu

ch’e pagine de stu libru scritu a man,

savesse de mi, giüstu ciacün datu

e i parlasse pöi de nui demaninman.

1929 – Nasce GB, cum’u nonu nu se sbaja.

1933 – Nasce Liana, pöi so amuruusa…

1949 – GB diitu Ninu, parte p’a Naja…

1955 – Liana e Ninu, seze d’avrì i se spusa!

In te stu libru, gardendu in avanti,

a scritura a nu l’eira ciǜ cuscì ciara…

Lüju 2013 – Vallebona, Giacuré, ghe sun tanti…

Zenà 2014 – Elessiui? Guvernu, gran cagnara…

Pöi pe girà e pagine di föj

cian cianin u l’eira sempre ciǜ düru.

U se lezeiv’a s-ciupanduse i öij:

“Ti sei za tropu avanti in t’u futüru…!”

De botu a me sun desciau intramente me mujè a criava:

“Serca de sta ciǜ calmu, ch’u te cunvèn…

Nu ti m’hai fau durmi  mancu in stissa…!”

E mi: “Pe sena… nu sta a preparà ren…

Ch’a s’andamu a fàsse ina pissa!”

***************

Ma a mi u m’è arrestau int’u servélu

a data che pe nui a l’è impurtante

a risposta m’andereva de savèlu:

“16 avri 2015,

arriveremu ae nosse de diamante?

Giovanni Ormea - Dialetto di Sanremo

IL LIBRO

In un cassetto di un vecchio cassettone

ho trovato un libro ben rilegato,

con lettere chiare come uno specchio,

benché scritte in gotico del tempo andato.

Anche strano era poi il fatto

che le pagine di questo libro scritto a mano,

sapesse di me, giusto ogni dato

e parlasse poi di noi mano a mano.

1929 – Nasce GB, come il nonno non si sbaglia,

1933 – Nasce Liana, poi sua fidanzata…

1949 – GB detto Nino, parte per la naja…

1955 – Liana e Nino, sedici di aprile si sposano!

In questo libro, guardando avanti,

la scrittura non era così chiara…

Luglio 2013 – Vallebona, Giacuré ci sono in tanti...

Gennaio 2014 – Elezioni? Governo, gran cagnara…

Poi per girare le pagine dei fogli

pian pianino era sempre più duro.

Si leggeva scoppiandosi gli occhi:

“Sei già troppo avanti nel futuro!...”

Di colpo mi sono svegliato mentre mia moglie gridava:

“Cerca di stare più calmo, che ti conviene…

Non mi hai fatto dormire neanche un po’!...”

Ed io: “Per cena… non preparare niente…

Ché andiamo a mangiarci una pizza!”

***********

Ma a me è rimsasto nel cervello

la data che per noi è importante

la risposta mi andrebbe di saperla:

“16 aprile 2015, arriveremo alle nozze di diamante?”

A RAMÀ di Mario Saredi

Ina ramà in arivu...

Tantu sciütu... secu ...

mai ina nivura...

sèmpre vèntu...

A campagna a ciàgne

e lo’ che àmu semenàu...  möire.

Nu' va’ rèn pregà tüti i santi...

Nu’ ciöve.

Pöi, ina matìn,

nu’ vèn mai dì...

e scì che l’ura a l’è già passà.

Sciurtimu föra e veghemu tütu nivuru.

«Oh Segnù !

Ch’a scie a vouta bona?».

Tüt’assème, in tròn...

pöi ina taca... tante tache...

ina ramà !!!

.

E alura aissa a fàcia

versu e nivure curù d’u ciùmbu,

e in tu méntre che me bagnu tütu,

sèntu muntà sciü d’â tèrra

e respiru cun piaixé...

Nu’ gh’è àiga d’audù ciü bona

de lo’ che sèntu.

A l’è ina ramà d’àiga

bona pe’ mi...

pe’ tü...

pe’ a campagna...

pe’ tüti.

Mario Saredi – Dialetto di Camporosso

LO SCROSCIO

Tanto asciutto...  secco ...

ai una nuvola...

sempre vento...

La campagna piange

e ciò che abbiamo seminato... muore.

Non serve a nulla pregare tutti i santi...

non piove.

Poi, un mattino,

non viene mai giorno...

eppure l’ora e già passata.

Usciamo fuori, vediamo nuvolo.

«Dio mio ! / sarà la volta buona ?».

Ad un tratto, un tuono...

poi una goccia... tante gocce...

uno scroscio !!!

E allora alzo il viso

verso le nubi color di piombo,

e nel mentre che mi bagno tutto,

sento salire dalla terra

e respiro con piacere...

Non v’è profumo migliore

di ciò che sento.

È uno scroscio di pioggia

buona per me...

per tè...

per la campagna...

per tutti.

VERSU U MÀ di Maria Muratore

                    

D’â bunda d’a scciümàira,

in ràtu anugliàu

u sta’ a mirà a rüménta,

ch’a và versu u mà.

L’àiga a pàssa lenta,

silençiusa, a nu’ se alumenta,

a parésce agrüà

da tanta purcarìa.

Int’e l’àiga gh’è de tütu,

tòchi de legnu ch’i fan a gara

cun càne zùvene e inesperte.

Spòrte de plastica

ch’i nàvega indistürbàe,

butéglie e papéi

ch’i se fan portà.

Tütu và versu u mà.

Maria Muratore – Dialetto di Ventimiglia

VERSO IL MARE

Dalla sponda del fiume

un ratto annoiato

guarda il ciarpame

che scende verso il mare.

L'acqua passa lenta,

silenziosa, non si lamenta,

pare bramosa

di tanta porcheria.

Nell'acqua si trova ogni cosa,

pezzi di legno che fanno a gara

con canne giovani e inesperte.

Buste di plastica

che navigano indisturbate,

bottiglie e cartacce

che si fanno trascinare.

Tutto va' verso il mare.

DOÌ MONDI di Giuliano Balestreri

Genova

Neuttetempo, in sciâ ciassa de San Mattê

un òmmo o sta lì assòrto, ombra anche lê

confusa a-e ätre da gexa medievale.

In scê prìe gianche e neigre gh'é scrïto tanta glòria,

sospïa, o vento, l'eco de vittòrie antighe,

canti de libertæ, osanna de pòpolo.

Raggi de luxe arcana.

Tutt'assemme, da-o çê

o rombo de 'n Caravel o l'interrompe o silensio,

a scena a s'inlùmina screuvindo doì mondi,

dovve vegi amixi aspëtan che fasse giorno.

Giuliano Balestreri  - Dialetto di Genova

Da "A ballata do Besagno" – Traduzione di Alessandro Guasoni

DUE MONDI

Nottetempo, sulla piazza di San Matteo 

un uomo resta assorto, ombra anch'egli 

confusa con le altre della chiesa medioevale.

Sulle pietre bianche e nere sta scritta tanta gloria, 

il vento sospira l'eco di vittorie antiche, 

canti di libertà, osanna di popolo.

Raggi di luce arcana. 

Improvvisamente, dal cielo 

il rombo d'un Caravel interrompe il silenzio, 

la scena si illumina scoprendo due mondi, 

dove vecchi amici aspettano che faccia giorno.

BELENDA di Ottavio Allavena

La struttura di Belenda, predella sacrale verso le Alpi Marittime

Santa cume ina geixa granda,

â lüxe d’u sù, Belenda bela.

Dae barme, dae trüne, dae cabane

i munta â festa, gente de 'sti ani.

Longhi cavegli e done, spantegai,

garnìi d’ouri a l’oura d'a matin

e sciure ai figliöi e rame

de murta, d’auriva, d’auribaga.

D’â sciorta i l’àn çernüu ‘na bima,

i omi, de duze lüne e gianca,

e i l’arrecampa e i s’arrecampa

tüti, a strupe, versu a çima;
a l'è chi cume sciami, stundunai

da caicousa, caicün au cu’ survan.

Ün ch’u cumanda a l’aiga, â terra,

tremendu padrun d’i troi e d’u seren,

ün ch’u l’açende u fögu benediu,

arrente â pria duv’u gh’é assetau.

In cursu forsci, o u Diu: Belen !

E sciame i cöixe a crava gianca,

i fan festa, e gente, cu’u sou Diu.

In Diu ch’u parla e u mustra chelu

che triga au mundu, bon e marriu,

ch’u l’apaixa tütu, omi e couse !

Forsci ina foura ch’a paresce vera,

forsci Belen u l’à scangiau bandia;

ma u gh’a lasciau caicousa, cun a pria,

che l’àrima a gatiglia, cume

l’aria ch’a bugia e çime ai pin

Ottavio Allavena – Dialetto di Latte di Ventimiglia

BELENDA

 Santa come una cattedrale,

alla luce del sole, Belenda bella.

Dalle caverne, dagli abituri, dalle capanne,

vi salivano in festa, le antiche genti.

Lunghi capelli le donne, sparsi,

adorni di monili alla brezza del mattino

e fiori ai bambini e rami / di mirto, d’ulivo, d’alloro.

In mezzo al gregge, han scelto una capretta,

gli uomini, di dodici lune e bianca,

e la spingono e si spingono

tutti, a gruppi, verso la cima;

adescati come sciami, mossi

da qualche cosa,

da qualcuno che sta in alto.

Uno che comanda all’acqua, alla terra,

tremendo padrone dei tuoni e del sereno,

uno che accende il fuoco sacro,

accanto al sasso dove sta seduto.

Un mago forse, o un Dio: Belen !

Le fiamme cuociono la capra bianca,

fanno festa, le genti, col loro Dio.

Un Dio che parla e insegna quello

che gravita al mondo di buono e di cattivo,

che armonizza tutto, uomini e cose !

Forse una favola che sembra vera,

forse Belen ha cambiato luogo;

ma ha lasciato qualcosa, assieme a quel sasso,

che solletica l’anima, come

l’aria che muove le cime ai pini!

LIGÜRIA ACIATÀ di Aldo Bottini

Verrandi - Ventimiglia

Sulitari paisoti faiti de prie

tegnüe sciü da-u silensiu e l’abandun,

adurmìi int’u stentissu da stagiun

sciütina ch’a brüüxa e fasce asperunsìe.

Resciouru a sercu a redossu d’in casun

ch' au carugiu u sporze a müraja mufìa;

vuuxe raire fuetàe da in’ustarìa

se mes-cia a chéle de cumàe sce-u purtun.

U sù caudu u s’infira e u taja a sciumbrìa

assendendu i vauxi sciurìi sce-i barcùi.

Da-i nii de rùndure piunà d’uxelùi

a smursà de ciügàre a nuiuusa armunìa.

Dandu a mentu a sti soi a sèntu cansùi

e magiche fòure vegnì da-a luntan,

che tostu i svanisce, cun in batu de man,

purtàe via da-u vèntu a pecin bufurùi.

Aldo Bottini – Dialetto di Sanremo

LIGURIA NASCOSTA

Solitari paesetti fatti di pietre

sostenute dal silenzio e l’abbandono,

addormentati nell’afa della stagione

siccitosa che brucia la campagna riarsa.

Cerco ristoro a ridosso d’una casa

che protende al vicolo il muro ammuffito;

rare voci, provenienti come sferzate da un’osteria,

si fondono con quelle delle comari sulla porta.

Il sole caldo si infila e cancella l’ombra

illuminando i vasi fioriti sulle finestre.

Dai nidi di rondine un pigolare di uccelletti

si sovrappone alla monotona cantilena delle cicale.

Ascoltando questi suoni sento canzoni

e magiche fiabe venir da lontano,

che ben presto svaniscono, con un batter di mani,

sospinte dal vento a piccole folate.

A FATIGA DE VIVE di Dino Ardoino

Destin de l’omu u l’è de vegnì  au mundu

sufrèndu e ascì daghèndu da sufrì

e de aveghe int’a vita da patì

ciü che da gòude. Raixunandu a fundu

in sce ste idée u l’è de bon capì

perché e gente i ghe fasse u giru rundu

inturnu a st’argumentu. Ma segundu

u giüdissiu ch’a posciu dane mi

u nu l’è sulu lì u veru mutivu

ch’u pussa l’omu a nu vuré pensà,

fin ch’u se crede d’esse san e vivu,

a ste tristesse. U scampa in po’ aa giurnà

andèndu, se u nu se vö perde l’asbrivu,

delongu avanti sènsa mai pusà.

Daa fatiga de vive u se ne sciorte

sulu int’in modu: cand’u ven a morte.

Dino Ardoino – Dialetto di Sanremo

LA FATICA DI VIVERE

Destino dell’uomo è di venire al mondo

soffrendo e pure dando da soffrire

e di avere nella vita da patire

più che da godere. Ragionando a fondo

sopra queste idee è facile capire

perché la gente faccia il girotondo

intorno a tale argomento. Ma secondo

il giudizio che posso darne io

non è solo lì il vero motivo

che spinge l’uomo a non voler pensare,

sino a che crede d’esser sano e vivo,

a codeste tristezze. Campa un poco alla giornata

andando, se non vuol perdere l’abbrivio,

sempre avanti senza mai sostare.

Dalla fatica di vivere se n esce

solo in questo modo: quando viene la morte.