Gh’è a méixima lüna ch’a sbrila
int’in celu ingarnìu de stéle;
gh’è u méiximu sù ch’u l’ascauda,
cu’i sòi rài, ‘sta tèrra meschina.
Cum’in orbu strapèrsu int’u tempu,
barlòciu çercandu a mei lüxe
e u cařù ch’u mei cö ciü u nu’ sénte
fin da candu mi eira in figliö.
I sun ani ch’on pèrsu u senté
d’in mundu, pe’ mi, avù luntàn;
i sun ani ch’on pèrsu u güstu
d’ina vita che nu’ pösciu ciü vive.
Cuscì çercu, çercu asciamàu,
nu’ savéndu ciü loche çercà:
forsci u pèrdùn pe’ caicòsa ch’on fàu
o l’asuluçiùn d’in veciu pecàu.
Ancöi m’arrésta numà i regòrdi,
mescciài cun d’ê làgrime amare;
ancöi m’arrésta numà u régrétu
pe’ tüti ‘sti ani che on asgairàu.
Nu’ se pö vive inte dui mundi,
nu’ se pö éxiste inte due vite:
int’u mei cö gh’è numà arréstàu
a méixima lüna…u méiximu sù…
Poesia I classificata al Premio di Poesia dialettale "Giannino Orengo" - Edizione 2011
SPARSO (per il mondo)
C’è la medesima luna che brilla
in un cielo adorno di stelle;
c’è il medesimo sole che scalda,
coi suoi raggi, questa terra meschina.
Come un cieco sperduto nel tempo,
barcollo cercando la mia luce
ed il calore che il mio cuore più non sente
fin da quando ero un ragazzino.
Sono anni che ho smarrito il sentiero
di un mondo, per me, ora lontano;
sono anni che ho perso il gusto
di una vita che non posso più vivere.
Così cerco, cerco ansioso,
non sapendo più che cosa cercare:
forse il perdono per qualcosa che ho fatto
o l’assoluzione di un vecchio peccato.
Oggi mi rimangono solamente i ricordi,
mischiati con delle lacrime amare;
oggi mi rimane solamente il rimpianto
per tutti questi anni che ho sprecato.
Non si può vivere in due mondi,
non si può esistere in due vite:
nel mio cuore c’è solamente rimasto
la medesima luna…il medesimo sole…
